به‌پێی هه‌واڵی کوردپرێس، ئێوارەی رۆژی یەکشەممە 8-4-2018، قاسم سولەیمانی، فه‌رمانده‌ی فه‌یله‌قی قودسی سوپای پاسدارانی ئێران پەیوەندی بە نێچیرڤان بارزانی، سەرۆک وەزیرانی هەرێمی کوردستان کرد.
بەپێی هەواڵێکی ماڵپەڕی حکوومەتی هەرێمی کوردستان "له په‌یوه‌ندییه ته‌له‌فۆنییه‌كه‌دا سوله‌یمانی جیا له پێشكه‌ش كردنی پرسه و سه‌ره‌خۆشی، هاوخه‌می و هاوده‌ردیی خۆی بۆ کۆچی دواییی خوالێخۆشبوو دلۆڤان ئیدریس بارزانی به نێچیرڤان بارزانی ڕاگه‌یاند و هیوای خواست ئه‌مه دوا ناخۆشییان بێت و خوای گه‌وره خوالێخۆشبوو به‌ر ره‌حمه‌تی خۆی بخات و سه‌بر و ئارامی بداته بنه‌ماڵه‌ی بارزانی."
لە بەرامبەردا نێچیرڤان بارزانی سەرۆک وەزیرانی هەرێمی کوردستان سوپاسی قاسم سوله‌یمانی كرد بۆ په‌یوه‌ندییه ته‌له‌فۆنییه‌كه و پێشكه‌ش كردنی پرسه و سه‌ره‌خۆشی.
دلۆڤان ئیدریس بارزانی برای نێچیرڤان بارزانی، سەرۆک وەزیرانی هەرێمی کوردستان رۆژی دووشەممە 2-4-2018 لە تەمەنی 52 ساڵیدا بە جەڵتەی دڵ كۆچی دوایی كرد.
کۆدی هه‌واڵنێر: 60104
Your Comment