به‌پێی هه‌واڵی کوردپرێس، خه‌لیل ئیبراھیم کارگێڕی ئه‌نجومه‌نی جێبه‌جێ کردنی یه‌کگرتوو له‌ کۆنگره‌یێکی ڕۆژنامه‌وانیدا ڕای‌گه‌یاند: یه‌کگرتوو ھه‌وڵی ئاشته‌وایی داوه‌ له‌ نێوان حکوومه‌تی تورکیا و ھه‌ده‌په‌ و په‌که‌که‌ش به‌ڵام تا ده‌نگی ته‌قه‌ به‌رده‌وام بێت پڕۆسه‌که‌ به‌ره‌وپێشچوون به‌ خۆیه‌وه‌ نابینێت. ده‌بێت سه‌ره‌تا ھه‌وڵی بێده‌نگ کردنی چه‌که‌کان بدرێت دواتر پڕۆسه‌ی دانوستان و گفتوگۆ ده‌ست پێبکات.

خه‌لیل ئیبراھیم سه‌باره‌ت به‌ ڕه‌ت کردنه‌وه‌ی ده‌ستپێشخه‌ریی یه‌کگرتوو بۆ گفتوگۆ له ‌نێوان په‌که‌که ‌و تورکیا له‌لایه‌ن په‌که‌که‌وه‌ وتی: "ده‌ستپێشخه‌ری و نێوه‌ندگیریمان ھه‌بوووه ‌و به‌رده‌وامین به‌ڵام جارێ بۆ وه‌ستانی شه‌ڕه‌ له‌ نێوان ھه‌ردوولا دواتر بۆ ده‌ست پێکردنی گفتوگۆ".

خه‌لیل ئیبراھیم ئاماژه‌ی بۆ ئه‌وه‌ش کرد ئیدانه‌ی له‌شکرکێشی ده‌که‌ین بۆ سه‌ر خاکی هه‌رێمی کوردستان به‌ ھه‌ر بیانوویێک و له‌ لایه‌ن ھه‌ر ھێزێکی ده‌ره‌کییه‌وه‌ بێت.

سه‌رچاوه‌: خه‌ندان

کۆدی هه‌واڵنێر: 60103