سه‌یید قاسم جاسمی له گفتوگۆ له‌گه‌ڵ کوردپرێسدا ئاماژه به‌وه ده‌کات که به‌رجام دانووستانی دووباره‌ی له‌سه‌ر ناکرێت و ڕای‌ده‌گه‌یێنێت: ئێران هیچ جۆره دانووستانێکی دووباره له‌باره‌ی به‌رجام له‌گه‌ڵ هیچ یه‌ک له لایه‌نه‌کان ئه‌نجام نادات چوونکه به‌رجام ڕێککه‌وتننامه‌یێکی واژۆکراو و په‌سه‌ندکراوه.
ناوبراو ده‌شڵێت: به‌رجام وه‌کوو په‌یماننامه‌یێکی نێوده‌وڵه‌تی له‌لایه‌ن هه‌موووانه‌وه په‌سه‌ند کراوه هه‌ر بۆیه تێکڕای ئه‌ندامانی گرووپی 1+5 ده‌بێ پێبه‌ندی ئه‌و به‌ڵێنه بن که واژۆیان کردوووه.
ناوبراو ڕوونیشی کرده‌وه: کۆماری ئیسلامیی ئێران به‌ڵێنه‌کانی له‌باره‌ی به‌رجام جێبه‌جێ کردوووه و هه‌میشه سه‌لماندوویه‌تی که پێبه‌ندی به‌ڵێنه‌کانی خۆی له به‌رجامه و ئه‌و بابه‌ته له‌لایه‌ن ئه‌نجومه‌نی ئاسایش، ئاژانسی ئه‌تۆمی و ڕێکخراوی نه‌ته‌وه یه‌کگرتوووه‌کان پشتڕاست کراوه‌ته‌وه.
نوێنه‌ری کرماشان ڕاشی‌گه‌یاند: به بڕوای ئێمه دانووستانی دووباره له‌سه‌ر به‌رجام ناکرێته‌وه و باشتر وایه لایه‌نه‌کان به‌ڵێنه‌کان هه‌مبه‌ر به‌رجام جێبه‌جێ بکه‌ن تا ئه‌وه‌ی که بیانه‌وێت دانووستانێکی دووباره ده‌ست پێبکه‌نه‌وه.
کۆدی هه‌واڵنێر: 60103
Your Comment