به‌پێی هه‌واڵی کوردپرێس، فێردۆس عه‌وادی له به‌یاننامه‌یێکدا نووسیی: گوشاره‌کانی ئه‌مریکا له سه‌ر حه‌یده‌ر عه‌بادی، سه‌رۆک وه‌زیرانی عێراق بۆ جێگیرکردنه‌وه‌ی دووباره‌ی پێشمه‌رگه له پارێزگای که‌رکووک به مه‌به‌ستی لاوازکردنی ده‌وڵه‌تی فیدڕاڵ و هێزه ئه‌منییه‌کانی عێراق و هه‌ڵگیرساندنی فیتنه‌ی قه‌ومی له‌و وڵاته ئه‌نجام ده‌بێت.
عه‌وادی ئاماژه‌ی دایه ئه‌وه‌ی که هاووڵاتییانی عێراقی به توندی دژی ئه‌و گوشارانه‌ی ئه‌مریکان و زیادی کرد: واشنتۆن له ڕێگای ئه‌و گوشارانه‌وه ده‌یه‌وێت ناوچه کێشه‌له‌سه‌ره‌کانی عێراق به‌رده‌وام له کێشمه‌کێشم و قه‌یران و به ئه‌گه‌ری زۆره‌وه شه‌ڕگه‌لێک له داهاتوودا بهێڵێته‌وه.
ناوبراو داوای له به‌غدا کرد دژی ئه‌و گوشارانه‌ی ئه‌مریکا بن که ئامانجیان دروست کردنی قه‌یران له پارێزگای که‌رکووکه.
سه‌رچاوه: هه‌واڵده‌ریی "اسکای پرس"
کۆدی هه‌واڵنێر: 60104
Your Comment