کوردپرێس:
جووتیار عادل وته‌بێژى حكوومه‌تى هه‌رێم له كۆنگره‌یێكى رۆژنامه‌وانیدا ڕایگه‌یاند، له‌دواى هاتنى پاپا فرانسیس بۆ هه‌رێم كۆمه‌ڵێك وێنه بۆ پولى پۆسته پێشنیار كراوه، به‌ڵام ئه‌وه تا ئێستا پێشنیاره و نه‌بووه‌ته بڕیار.
وتەبێژی حکوومەتی هەرێم وتیشى، له‌كاتى هه‌ر بڕیارێكدا حكوومه‌تى هه‌رێم ده‌ستوورى عێراق و سه‌روه‌ریی ووڵاتان له به‌رچاو ده‌گرێت و ئه‌وه‌ى كه هه‌یه تا ئێستا پێشنیارى هونه‌رمه‌ندێك بووه و هیچ مه‌به‌ستێكى له‌پشته‌وه نه‌بووه.
له‌كاتى هاتنى پاپا فرانسیس بۆ هه‌رێمى كوردستان چه‌ند وێنه‌یێكى پولى پۆسته بڵاو كرایه‌وه، یه‌كێكیان وێنه‌یێكى پاپا بوو كه نه‌خشه‌ىێکی هەرێمی کوردستانی بەدەستەوە بوو کە بەشێک لە ناوچە کوردنشینەکانی تورکیا و ناوچە کوردنشینەکانی ناوچەکەی تێدا بوو ئه‌مه‌ش توركیاى نیگه‌ران كرد و ئه‌مرۆ به‌فه‌رمى داواى ڕوونكردنه‌وه‌یان له هه‌رێم كرد.
Your Comment