به‌پێی هه‌واڵی کوردپرێس، به‌پێی زانیارییه‌کانی پۆلیسی دانمارک، سه‌رله‌به‌یانیی ئه‌مڕۆ دووشه‌ممه 19ی مارچ به 4 کۆکتل مۆڵۆتۆڤ په‌لاماری باڵیۆزخانه‌ی توركیا له شاری كۆپنهاگن پایته‌ختی دانمارک درا كه به‌و هۆیه‌وه ئاگر له باڵه‌خانه‌كه كه‌وته‌وه.
تۆربێن مادسن فه‌رمانده‌ی هێزه‌کانی پۆلیسی دانمارک له گفتوگۆ له‌گه‌ڵ هه‌واڵنێراندا ڕای‌گه‌یاند: په‌لاماردانه‌که له كاتژمێر 02:55ی سه‌رله‌به‌یانیی ئه‌مڕۆ ڕووی داوه.
ناوبراو وتیشی: هێزی پشتیوانی ڕه‌وانه‌ی شوێنه‌كه کران و هێزه‌كانی پۆلیس كه له نزیک باڵیۆزخانه‌كه بوون وایان به باش زانیوه له بری ڕاوه‌دوونانی په‌لامارده‌ران ئاگره‌كه بكوژێننه‌وه.
جه‌ختیشی کرده‌وه که هێرشه‌كه جگه له زیانی ماددی هیچ زیانێكی گیانی لێ نكه‌وتوووه‌ته‌وه.
سه‌رچاوه: هه‌واڵده‌ریی ئانادۆڵو
کۆدی هه‌واڵنێر: 60103
Your Comment