به‌پێی هه‌واڵی کوردپرێس، به گوێره‌ی زانیارییه وه‌ده‌ستهاتوووه‌کان له سه‌رچاوه ئه‌منییه‌کانی تورکیا سه‌رله‌به‌یانیی ئه‌مڕۆ گرووپێکی سه‌ر به PKK هێرشی خۆمپاره‌یییان بۆ سه‌ر تانکه‌کانی سوپای تورکیا له ناوچه‌ی سیلۆپیی پارێزگای شڕناخ ئه‌نجام دا.
زانیارییه سه‌ره‌تایییه‌کان باس له‌وه ده‌کات که به دوای ئه‌م هێرشه هێزه‌کانی سوپای تورکیا له‌گه‌ڵ هێزه‌کانی PKK شه‌ڕیان کرد که له ده‌رئه‌نجامدا 6 سه‌ربازی تورکیا بریندار بوون. 4 برینداری سوپای تورکیا به ئامبۆلانس و 2 برینداری دیکه‌ش -که باری ته‌ندروستیان ناجێگیر بوو- به کۆپته‌ره‌وه بۆ نه‌خۆشخانه‌ی حکوومی شڕناخ گوازرانه‌وه.
هێزه‌کانی سوپای تورکیا ئۆپه‌راسیۆنێکی به‌ربڵاویان له ناوچه‌که ده‌ست پێکردوووه.
سه‌رچاوه: ڕۆژنامه‌ی جمهوورییه‌ت
کۆدی هه‌واڵنێر: 60103
Your Comment