به‌پێی هه‌واڵی کوردپرێس، عێراقچی له‌و باره‌یه‌وه ڕای‌گه‌یاند: ئه‌وه‌ی ئه‌ورووپا به جیدی پێداگرن له سه‌ری ئه‌وه‌یه داوای پاراستنی به‌رجام و هه‌ڵوه‌شاندنه‌وه‌ی گه‌مارۆکان به‌گوێره‌ی ڕێککه‌وتنه‌که‌ی به‌رجام ده‌که‌ن. ئه‌وه‌ش له هه‌ڵوێسته فه‌رمییه‌کانی له دیداره دوو لایه‌نه‌کاندا به ئاشکرا جه‌ختی له سه‌ر کراوه‌ته‌وه.
جێگری وه‌زیری ده‌ره‌وه‌ی ئێران وتیشی: له به‌یاننامه‌که‌ی خاتوون شمید نوێنه‌ری یه‌کێتیی ئه‌ورووپا نه‌ک هه‌ر پێداگری له سه‌ر به‌رجام کراوه به‌ڵکوو جه‌ختیش کراوه‌ته سه‌ر هه‌ڵوه‌شاندنه‌وه‌ی گه‌مارۆکان به گوێره‌ی ده‌قی به‌رجام.
عێراقچی ئاشکراشی کرد: دیاره هه‌ر گه‌مارۆێکی نوێ ئه‌گه‌ر گه‌مارۆ هه‌ڵوه‌شێندراوه‌کان بگه‌ڕێنێته‌وه ئه‌وه هاوته‌ریبی ئه‌و سیاسه‌ته نابێت و ئه‌گه‌ر هه‌یه ژماره‌یێک له ده‌وڵه‌تانی ئه‌ورووپا له به‌ر دڵخۆش کرانی ئه‌مریکا گه‌مارۆی نائه‌تومی بخه‌نه سه‌ر ئێران. ئه‌وه‌ش بێ گومان هه‌ڵه‌ی ئه‌و وڵاتانه‌یه و له سه‌ر به‌رجامیش کاریگه‌ریی ده‌بێت.
ناوبراو زیادی کرد: باشتر وایه وڵاتانی ئه‌ورووپا وه‌کوو پێشوو نیازپاک بن و ئه‌مریکاش به‌ره‌و که‌شێکی سازنده هان بده‌ن.
پێشتر ڕۆیته‌رز له ڕاپۆرتێکدا ئیدعای کردبوو به‌ریتانیا، فه‌ڕه‌نسا و ئه‌ڵمانیا گه‌مارۆی نوێیان له سه‌ر ئێران پێشنیار کردبوو بۆ ئه‌وه‌ی ئه‌مریکا ڕازی بکه‌ن به‌رجام بمێنێته‌وه.
کۆدی هه‌واڵنێر: 60104
Your Comment