بەپێی هەواڵی کوردپرێس، ئۆپەراسیۆنی چڵە زەیتوون لە کانتۆنی کوردنشینی عەفرین گەشتۆتە ڕۆژی 56ەم و ئێستا سوپای تورکیا و میلیشیاکانی سەر بەو سوپای لەم سێ ڕۆژەدا دە گوندی دیکەیان لە دەور و بەری عەفرین کۆنتڕۆڵ کردوووە و بازنەی گەمارۆی سەر عەفرین تەسکتر بۆتەوە و هێزەکانی سوپای تورکیا گەشتوونەتە گردەکانی دەور و بەری شار.

بەگوێرەی زانیارییەکان سوپای تورکیا دوێنێ لە 55ەمین ڕۆژی ئۆپەراسیۆنەکەدا ژمارێکی دیکە لە گوندەکانی بەری باکووری ڕۆژهەڵات و باشووری ڕۆژهەڵاتی عەفرینی کۆنتڕۆڵ کردوووە و ئێستا ناوەندی عەفرین بە تەواوی گەمارۆ دراوە میدیاکانی سەر بە سوپای ئازادی سووریا ئامادە بوونی خۆیان بۆ جووڵە کردن بەرەو سەنتەری شاری عەفرین دەربڕیوە.

هەروەهاش میدیاکانی نزیک لە حکوومەتی تورکیا ئیدعا دەکەن سوپای تورکیا ئەوڕۆ هەینی 16ی مارچی 2018 تێکڕای ژمارەی ناوچەکانی ژێرکۆنتڕۆڵی گەشتوونەتە 249 خاڵ و لە مەودای 600 مەتریی گەڕەکەکانی دەوروبەری عەفرین جێگیر کراون.