به‌پێی هه‌واڵی کوردپرێس، کامل زه‌یدی ئاماژه‌ به‌وه‌ ده‌کات که‌ کورده‌کان هه‌وڵه‌کانیان بۆ دوا خستنی په‌سه‌ند کردنی پڕۆژه‌یاسای بودجه‌ی گشتیی ساڵی 2018 چڕ کردۆته‌وه‌ و ڕای‌گه‌یاند: ئه‌و هه‌وڵ و پێداگرییه‌ی کورده‌کان بۆ ده‌سته‌به‌ر بوونی داواکارییه‌کانیان له‌ پڕۆژه‌یاسای بودجه‌ی 2018 ئه‌نگێزه‌یێکی سیاسی هه‌یه‌.

زه‌یدی گوتیشی: ده‌وڵه‌تی فیدڕاڵ مکووڕه‌ له‌سه‌ر ئه‌وه‌ی چیتر هه‌ڵه‌ی ده‌ستووری سه‌باره‌ت به‌ پشکی 17 له‌سه‌دی هه‌رێم له‌ بودجه‌ی گشتیی عێراق دووپات نه‌کاته‌وه‌.

ناوبراو ڕاشی‌گه‌یاند: به‌غدا هه‌ندێ ڕێچاری بۆ ته‌رخاندانی بودجه‌ به‌ هێزی پێشمه‌رگه‌ دۆزییه‌وه‌ که‌ ئه‌و بودجه‌یه‌ له‌ چوارچێوه‌ی بودجه‌ی تایبه‌تی هێزه‌کانی پۆلیسی عێراق خه‌رج ده‌کرێت.

سه‌رچاوه‌: ماڵپه‌ڕی "الموقف العراقی"

کۆدی هه‌واڵنێر: 60103