به‌پێی هه‌واڵی کوردپرێس، سه‌یید که‌ماڵ حسێنی ئاماژه‌ی به‌وه‌ کرد له‌ سه‌فه‌ری سه‌رۆکانی ژووره‌ بازرگانییه‌کان بۆ وڵاتی نه‌مسا و دیدار له‌گه‌ڵ سه‌رکه‌وتوان و کۆمپانیاکانی ئه‌م به‌شه‌ توانیمان له‌گه‌ڵ کۆمپانیایێکی ئێرانی- نه‌مسایی ڕێکبکه‌وین بۆ هاوکاری له‌ بواری ڕه‌خساندنی زه‌مینه‌ی گه‌شه‌ی ستارت ئاپ و ڕاهێنانی نوێترین شێوازه‌کانی ڕۆژی جیهانی و چالاکی له‌ دۆخی کراوه‌ی نوێخوازانه‌.

حسێنی وێڕای گرینگ هه‌ژمار کردنی ده‌وری ستارت ئاپ له‌سه‌ر چالاکییه‌ ئابوورییه‌کانی جیهان له‌م چه‌ند ساڵه‌ی دواییدا وتیشی: ئامرازێک وه‌کوو ستارت ئاپ ده‌توانێت ببێته‌ هۆی ڕه‌خساندنی هه‌لی کار و گه‌شه‌ی که‌سپ و کار.

لای خۆیه‌وه‌ فه‌رید ئیدریسان به‌ڕێوه‌به‌ری گشتیی کۆمپانیای باسی له‌ خێڕاییی گه‌شه‌ی ته‌کنه‌لۆژیا له‌ جیهان کرد و وتی: ستارت ئاپ وه‌کوو کۆمپانیایێکی تازه‌پێگرتوووه‌ و خێراکه‌ره‌وه‌کانیش سه‌رمایه‌ی پێویستیان بۆ دابین ده‌که‌ن تاوه‌کوو ئایدیا و گه‌ڵاڵه‌که‌ بگاته‌ ئاستی سووهێنان.

ناوبراو درێژه‌ی دا: له‌ کاری نوێ‌هێنه‌ریدا شکست مانای نییه‌ و ئه‌گه‌ریش ببێ تێچووی فێربوون و ئه‌زموونه‌.

کۆدی هه‌واڵنێر: 60103