به‌پێی هه‌واڵی کوردپرێس، نوێنه‌ری کۆمپانیا ئه‌ڵمانییه‌که‌ سه‌رله‌به‌یانیی ئه‌مڕۆ له‌گه‌ڵ محه‌مه‌د مه‌هدی شه‌هریاری پارێزگاری ئازه‌ربایجانی ڕۆژئاوا دیداری کرد و ئاماده‌ییی خۆی بۆ ته‌رخان کردنی ئه‌و سه‌رمایه‌یه‌ ڕاگه‌یاند.

به‌ گوێره‌ی ڕاگه‌یێندراوی نوێنه‌ری گرووپی کۆمپانیای دێهلر ئه‌و کۆمپانیایه‌ به‌نیازه‌ بۆ قۆناغی یه‌که‌می دامه‌زراندنی یه‌که‌یێکی به‌رهه‌مهێنانی پیشه‌یی 12 میلیۆن یۆرۆ له‌ شارۆچکه‌ی پیشه‌یی فازی 3ی شارۆچکه‌ی نێوده‌وڵه‌تیی ئازه‌ربایجان به‌ ڕووبه‌ری 5 هه‌زار مه‌تری چوارگۆشه‌ سه‌رمایه‌ ته‌رخان بکات.

پارێزگاری ئازه‌ربایجانی ڕۆژئاواش له‌و دیداره‌دا پێشوازیی له‌ سه‌رمایه‌دانه‌رییه‌که‌ی ئه‌و کۆمپانیایه‌ کرد و گوتی: پاڵپشتیی هه‌موو سه‌رمایه‌داره‌ بیانییه‌کان ده‌که‌ین که‌ به‌نیاز بن له‌م پارێزگایه‌دا چالاکیی به‌رهه‌مهێنان بکه‌ن.

گرووپی کۆمپانیای دێهلر وه‌کوو به‌رهه‌مهێنه‌ر و دابین‌که‌ری نێوده‌وڵه‌تی له‌ بواری ماکی خامی سروشتی و ستراتێژیی ته‌کنیکی له‌ که‌رتی خۆراک و خواردنه‌وه‌ چالاکی ده‌نوێنێت و نووسینگه‌ی کۆمپانیاکه‌ش له‌ شاری دارمشتاتی ئه‌ڵمانیایه‌.

کۆدی هه‌واڵنێر: 60103