به‌پێی هه‌واڵی کوردپرێس، مەسعوود حەیدەر ئەندام پەرلەمانی کورد لە ئەنجومەنی نوێنەرانی عێراق ڕای‌گەیاند: بەپیچەوانەی چاوەڕوانییەکانی کوردەوە حەیدەر عەبادی ڕه‌شنووسێکی دیکەی دەستکاری کراوی پڕۆژەیاسای بودجەی 2018ی ڕەوانەی پەرلەمان کردوووە، بەڵام لەبری ئەوەی پشکی هەرێمی کوردستان زیاد بکات، جارێکی دیکە کەمی کردۆتەوە.

مەسعود حەیدەر دەڵێ حەیدەر عەبادی لە ڕەشنووسە دەستکاری کراوەکەدا کە ڕەوانەی پەرلەمانی کردوووە ١٠٠ ملیار دیناری دیکەی لە پشکی کورد کەم کردۆتەوە، ئەو دەڵێ عەبادی مەبەستییەتی کێشە و ئاڵۆزی دروست بێت، بۆ ئەوەی پڕۆژەیاسای بودجە تێپەڕ و پەسەند نەکرێت.

شایانی باسە حەیدەر عەبادی پشکی کوردی لە ٦تریلیۆن و ٦٤٣ ملیار دیناری وەکوو پشکی هەرێمی کوردستان دیاری کردبوو، کەچی ئێستا کردۆیەتییە ٦ تریلیۆن و ٥٥٩ ملیار دینار.

کۆدی هه‌واڵنێر: 60104