بەپێی هەواڵی کوردپرێس، فەرهاد قادر لە لێدوانێک بۆ هەواڵدەریی "موازین نیوز" دەڵێت: پارتە کوردستانییەکان پێبەندن بە هەڵوێستەکانیان بۆ بایکۆت کردنی کۆبوونەوەکانی پارلەمان سەبارەت بە پەسەند کردنی پرۆژەیاسای بووجەی گشتیی ٢٠١٨ی عێراق.

زیادیشی دەکات: پارتە کوردستانییەکان بە هیچ شێوەیێک پەسەند بوونی پشکی سەتا ١٢ی بووجە بۆ هەرێمی کوردستان قبووڵ ناکەن و بۆ بەرگری لە مافەکانیان سکاڵا دەبەنە دادگای فیدراڵیی عێراق.

ئەو نوێنەرە کوردە هەروەها جەختیش لەوە دەکاتەوە پەسەند کردنی ئەو پرۆژەیاسایە بەبێ بەشداریی کوردەکان گورزێکی قورسە لە پەیکەرەی بنەماکانی هاوبەشی لە عێراق و تەفروتوونای دەکات.

کۆدی هەواڵنێر: ٦٠١٠٥