به‌پێی هه‌واڵی کوردپرێس، سه‌یید جه‌واد جه‌مالی نه‌وبه‌ندگانی له لێدوانێکدا ئاماژه‌ی به هێرشه‌که‌ی تورکیا بۆ عه‌فرین کرد و گوتی: ئاسایییه تورکیا ده‌بێت ڕێز له سه‌روه‌ریی سووریا بگرێت و هیچ هه‌نگاوێک به بێ هه‌ماهه‌نگیی حکوومه‌تی دیمه‌شق له نێو خاکی ئه‌و وڵاته ئه‌نجام نه‌دات.
ناوبراو درێژه‌ی پێدا: حکوومه‌تی مه‌رکه‌زیی سووریا ئه‌مڕۆکه به خۆیدا هاتوووه‌ته‌وه و ده‌توانێت کێشه نێوخۆیییه‌کانی چاره‌سه‌ر بکات.
جه‌مالی نه‌وبه‌ندگانی گوتیشی: ئێمه بڕوامان وایه ده‌بێت تورکیا دان به‌خۆدا بگرێت و واز له هه‌ڵمه‌تی سه‌ربازی بهێنێت چوونکه ئه‌و هه‌ڵمه‌ته سه‌ربازییه ده‌بێته‌هۆی په‌ره‌سه‌ندنی تیرۆریزم له ناوچه‌که.
ناوبراو ئه‌وه‌شی زیاد کرد: دانووستانی ئه‌ستانه و هاوکاریی ئێران و تورکیا و ڕووسیا هه‌نگاوێکی ئیجابی بوو بۆ چاره‌سه‌رکردنی کێشه‌کانی سووریا هه‌ر به‌و بۆنه‌شه‌وه نه‌ده‌بوو تورکیا له چوارچێوه‌ی سه‌ربازیدا کاری کردبا.
کۆدی هه‌واڵنێر: 60103
Your Comment