به‌پێی هه‌واڵی کوردپرێس، شه‌وی ڕابردوو سه‌دان هێزی خۆبه‌خش به مه‌به‌ستی ته‌ڤل بوون به به‌رخۆدانی عه‌فرین له به‌رانبه‌ر هێرشه‌کانی سوپای تورکیا و گرووپه چه‌کداره توندئاژۆکانی سووریا گه‌یشتنه کۆبانێ و له‌لایه‌ن خه‌ڵکی ئه‌و شاره‌وه پێشوازییان لێکرا.
بڕیاره ئه‌مڕۆ ئه‌و هێزانه له‌سه‌ر دروشمی "نا به ده‌ستدڕێژی و کوشتوبڕ" به‌ره‌و عه‌فرین بچن.
ئه‌و هێزه خۆبه‌خشانه له ناوچه‌ی شنگال له کوردستانی عێراق و کانتۆنی جزیره له کوردستانی سووریا به‌ره‌و ئه‌و شاره به‌ڕێ که‌وتوون.
کاتێک که ئه‌و که‌سانه گه‌یشتنه کۆبانێ گردبوونه‌وه‌یێک له مه‌یدانی ژنانی ئازادی ئه‌و شاره به‌ڕێوه چوو و ئه‌نوه‌ر موسلیم هاوسه‌رۆکی ئه‌نجومه‌نی جێبه‌جێکاری کۆبانێ ڕای‌گه‌یاند: "شه‌ڕ له دژی عه‌فرین ئیراده‌ی خه‌ڵکی سووریا و پڕۆژه‌ی دیموکراسی کردۆته ئامانج. خه‌ڵکی ئێمه به‌رخۆدانیان هه‌ڵبژارد. ئه‌و شته‌ی که داعش له کۆبانێ به‌ره‌وڕووی بوویه‌وه، ئه‌ردۆغانیش له عه‌فرین به‌ره‌وڕووی ده‌بێته‌وه."
سه‌رچاوه: هاوار نیووز
کۆدی هه‌واڵنێر: 60103
Your Comment