به‌پێی هه‌واڵی کوردپرێس، سه‌عد حه‌دیسی له‌و باره‌یه‌وه‌ به‌ ڕادیۆ ئه‌لمه‌ربه‌دی وتوووه‌: داوای حیزبه‌ سیاسییه‌کانی چه‌ند پارێزگایێکی عێراق بۆ زیاد کردنی شایسته‌دارایییه‌کانیان له‌گه‌ڵ داهاتی بودجه‌ی 2018 یه‌ک ناگرێت.

ناوبراو وتیشی: سه‌رۆک وه‌زیرانی عێراق ئاماده‌یه‌ بۆ ئه‌وه‌ی تاوتوێ پڕۆژه‌یاساکه‌ له‌گه‌ڵ کوتله‌ی تایبه‌تی په‌رله‌مان بکات ئه‌وه‌ش به‌ مه‌به‌ستی خێرا کردنه‌وه‌ی ڕه‌وتی په‌سه‌ندکرانی پڕۆژه‌یاساکه‌.

حه‌دیسی زیادی کرد: بودجه‌ی گشتیی 2018ی عێراق له‌سه‌ر نرخی 60 دۆلاری نه‌وت داڕێژراوه‌ و له‌به‌ر ئه‌وه‌ی ئه‌گه‌ری دابه‌زینی نرخی نه‌وت هه‌یه‌ ناکرێت بودجه‌که‌ زیاد بکه‌ین.

کۆدی هه‌واڵنێر: 60103