به‌پێی هه‌واڵی کوردپرێس، نیوه‌شه‌وی ڕابردوو سوپای سووریا به‌ خۆمپاره‌ هێزێکی تورکیی کرده‌ ئامانج که‌ له‌ سنووری سووریاوه‌ تێپه‌ڕیبوو و به‌ره‌و شاری ئه‌لعه‌یس جووڵه‌ی ده‌کرد.

هه‌واڵنێره‌که‌ی ڕووسیا ئه‌لیه‌وم گوتوویه‌تی: زیاتر له‌ 30 خۆمپاره‌ به‌ ئاراسته‌ی ئه‌و کاروانه‌ هاویژراوه‌. پاش ئه‌و هێرشه‌ دوو فڕۆکه‌ی F-16ی سوپای تورکیا فڕین و به‌ ئاسمانی ناوچه‌که‌دا ده‌سووڕانه‌وه‌.

شیاوی ئاماژه‌یه‌؛ میدیا تورکییه‌کان گوتوویانه‌ ئه‌و کاروانه‌ ڕاسته‌وخۆ نه‌کراوه‌ته‌ ئامانج و ته‌نها مه‌به‌ست ئه‌وه‌ بوووه‌ هۆشداریان پێ بدرێت و به‌ مه‌ودای چه‌ند کیلۆمه‌تریی کاروانه‌که‌ خۆمپاره‌ هاویژراوه‌.

تورکیا له‌ قه‌باره‌ی پڕۆژه‌یێکدا بۆ پێکهێنانی ناوچه‌ی ئارام و پاش ڕێککه‌وتن له‌گه‌ڵ ئێران و ڕووسیا وه‌کوو وڵاتانی زامنی ئاگربڕ له‌ سووریا کرده‌ی سه‌ربازی ئه‌نجام ده‌دات. به‌و حاڵه‌شه‌وه‌ ده‌وڵه‌تی سووریا ئاماده‌ بوونی سه‌ربازیی تورکیا له‌و وڵاته‌دا به‌ نامه‌شرووع و به‌ داگیرکاری ده‌زانێت.

سه‌رچاوه‌: هه‌واڵده‌ریی "روسیه‌ الیوم"

کۆدی هه‌واڵنێر: 60103