بەپێی هەواڵی کوردپرێس، ڕێکخراوی چاودێری مافی مرۆڤ لە سووریا وتیشی لە کاتی دەسپێکی هێرشی سەربازیی تورکیا بۆ سەر کانتۆنی کوردنشینی عەفرین لە سووریا تاوەکوو ئێستا دەیان کەس لە هەر دوو لایەنەکە کوژراون.

ڕامی عەبدڕەحمان بەڕێوەبەری ناوەندی چاودێری مافی مرۆڤ لە سووریا دەڵێت: گوللە بارانی ناوچە جیاوازەکانی عەفرین لە لایەن ئەرتەشی تورکیاوە بوەتە هۆی کوژارنی 28 کەسی سڤیل و لە گوللە بارانی شاری ئەعزا لە لایەن YPGوە دوو کەس کوژراون.

ڕامی عەبدڕەحمان دەیشڵێت ئاماری ڕاستەقینەی کوژراوانی ئەرتەشی تورکیا و سوپای ئازاد 48 کەسە و کوژراوانی یەکینەکانی پاراستنی گەلیش 42 کەسە.

ئەوەش لە حاڵێکدایە کە ئەرکانی گشتیی هێزە چەکدارەکانی تورکیا ڕایگەیاندووە 268 کەس لە ئەندامانی YPGی کوشتووە و YPGش دەڵێت کوژراوانی ئەرتەشی تورکیا و سوپای ئازاد 203 کەسن.

سەرچاوە: ڕۆیتێرز

کۆدی هه‌واڵنێر: 60113