بەپێی هەواڵی کوردپرێس، سوپای دیموکراتیکی سووریا ڕایگەیاند: لە پێکدادانەکانی ئەمڕۆیاندا لەگەڵ ئەرتەشی تورکیا هاوپەیمانانیدا 30 هێزی سەربازیی هێرشبەران کوژراون و دوو ئۆتۆمبێلی سەربازییشیان تێکشکاوە.

سوپای دیموکراتیکی سووریا بە دەرکردنی ئەو بەیاننامەیە نووسیی: سوپای داگیرکەری تورکیا هێرشی کردە سەر تەپەی قستل جندۆ لە ناوچەی شەرا. شەڕڤانانی سوپای دیموکراتیک ئەو هێرشەیان تێکشکاندووە و هێزە تورکەکانیان ناچار کردووە بکشێنەوە، پێکدادانەکان هێشتا لەو ناوچەیەدا بەردەوامن.

سوپای داگیرکەری تورکیا هێرشێکی بەربڵاوی کردە سەر گوندی «عمرە» لە ناوچەی «مباتە» بەڵام بە بۆنەی بەرخۆدانی هێزەکانی سوپای دیموکراتیکەوە ناچار بە پاشەکشێ کران.

لە وپێکدادانەدا 24 سەربازی تورکیا و هاوپەیمانانی کوژران و پێکدادانەکە درێژەی هەیە.

شەڕڤانانی سوپای دیموکراتیکی سووریا لە گوندی کوردۆ لە ناوچەی ڕاجۆ ئۆپەراسیۆنێکی تایبەتیان ئەنجام داوە و دوو ئۆتۆمبێلی سەربازییان تێکشکاند و 6 سەربازی هێرشبەریشیان کوشتووە.

سەرچاوە: فورات نیووز

کۆدی هه‌واڵنێر: 60113