به‌پێی هه‌واڵی کوردپرێس، زانا سه‌عید له لێدوانێکی ڕۆژنامه‌وانیدا ده‌ڵێت: بێت‌و کێشه‌ی نێوان هه‌ولێر و به‌غدا چاره‌سه‌ر نه‌کرێت، به‌ڕێوه‌چوونی گشتپرسی له هه‌رێمی کوردستان چۆن ئێستا کاریگه‌ریی له سه‌ر په‌رله‌مانی عێراق بوووه، هه‌ر به‌و شێوه له په‌رله‌مانی داهاتووشدا کاریگه‌ریی ده‌بێت.
سه‌باره‌ت به ئه‌گه‌ری له ده‌ست چوونی پۆستی سه‌رکۆماری و دیکه‌ی پۆسته‌کانی کورد و مه‌رجی درێژه‌ی ناکۆکییه‌کانی ناوخۆی کورد ڕوونی ده‌کاته‌وه: هیچ بڕگه‌یێکی یاسایی بۆ مانه‌وه‌ی پۆستی سه‌رۆکایه‌تی له ده‌ستی کورده‌کاندا نییه، به‌ڵام ئه‌گه‌ر بنه‌ماکانی ڕێککه‌وتنی سیاسی له ناو عێراق به‌رده‌وام بمێننه‌وه ئه‌وا پۆستی سه‌رۆکایه‌تیی کۆماریش هه‌ر له ده‌ستی کورد ده‌بێت.
جه‌ختیشی کرده‌وه: ئه‌گه‌ر دۆخه‌که به‌ره‌و زۆرینه‌ی سیاسی بروات، کورده‌کان پاش پۆستی وه‌زاره‌تی ده‌ره‌وه، پۆستی سه‌رۆکایه‌تیی کۆماریش له ده‌ست ده‌ده‌ن.
کۆدی هه‌واڵنێر: 60104
Your Comment