به‌پێی هه‌واڵی کوردپرێس، ئه‌مینداری گشتیی یه‌کگرتوو له کۆنفڕانسێکی ڕۆژنامه‌وانیدا ڕای‌گه‌یاند: تێبینیی زۆریان له‌سه‌ر ئه‌دای حکوومه‌ت هه‌بوو، هه‌روه‌ها حکوومه‌ت نه‌یتوانی زاڵ بێت به سه‌ر قه‌یرانه‌کاندا.
ئاماژه‌س به‌وه‌ش کرد: موزایه‌ده‌ی سیاسی ڕێگه‌ی نه‌دا کابینه‌ی هه‌شته‌می حکوومه‌ت به‌رده‌وام بێت و هه‌ر دوو حزبی ده‌سه‌ڵاتدار خۆیان به‌رپرسیارێتی ئه‌وه ده‌که‌ن که به سه‌ر حکوومه‌تدا هاتوووه.
له به‌شێکی‌تری وته‌کانیدا سه‌ڵاحه‌دین به‌هائه‌ددین وتی: "بڕیاره‌که‌مان دژی هیچ که‌س و لایه‌نێک نییه و چاولێکه‌ری هیچ که‌س و لایه‌نێکیش نییه."
جه‌ختیشی کرده‌وه ئه‌وان ئاماده‌ن هاوکاریی حکوومه‌ت بکه‌ن به‌ڵام له ده‌ره‌وه‌ی کابینه‌ی وه‌زاریی حکوومه‌ت و سوورن له‌سه‌ر ئه‌نجام‌دانی چاکسازیی ڕیشه‌یی.
ئه‌وه له کاتێکدایه شاندی یه‌کگرتووی ئیسلامیی کوردستان له مانگی دیسێمبێری ڕابردوودا له کۆبوونه‌وه‌یان له‌گه‌ڵ سه‌رۆکى حکوومه‌ت و جێگره‌که‌ى ٢٤ خاڵیان به نووسراوى فه‌رمى بۆ چاره‌سه‌ر کردنى هه‌نووکه‌یى دۆخى هه‌رێم پێشکه‌ش کرد.
یه‌کگرتوو جه‌ختی کردبوووه‌وه سه‌رجه‌م خاڵه‌کان بۆ به‌رژه‌وه‌ندیی خه‌ڵکن و تایبه‌تن به دابین کردنى مووچه و پاکسازی کردن له لیستى مووچه‌خۆران و پاککردنه‌وه‌ى تۆمارى ده‌نگده‌ران و وردبینی کردن له داهاتى نه‌وتدا.
پێشتریش هه‌ریه‌که له گۆڕان و کۆمه‌ڵ له حکوومه‌تی هه‌رێم کشانه‌وه به‌ڵام یه‌کگرتوو چه‌ند مه‌رجێکی دایه حکوومه‌ت بۆ مانه‌وه تیایدا.
سه‌رچاوه: ئێن ئاڕتی
کۆدی هه‌واڵنێر: 60103
Your Comment