به‌پێی هه‌واڵی کوردپرێس، ڕێبوار تاها به هه‌واڵده‌ریی "بغداد الیوم"ی وتوووه: وه‌لاوه‌نانی شه‌لال عه‌بدوڵ قایمقامی شاری دۆزخورماتوو کارێکی دژ به ده‌ستووری عێراقه. به‌داخه‌وه ئه‌و کاره له‌لایه‌ن براکانمانه‌وه له پارێزگای سه‌ڵاحه‌دین ئه‌نجام دراوه.
تاها جه‌ختی کرده‌وه: وه‌لاوه‌نانی عه‌بدوڵ له‌گه‌ڵ داواکاریی یه‌کێتیی نیشتیمانی بۆ جێگیر بوونی ئارامی و گفتوگۆی نێوان تێکڕای قه‌باره سیاسییه‌کانی کوردستان له دۆزخورماتوو یه‌ک ناگرێته‌وه.
شیاوی ئاماژه‌یه؛ ئه‌نجومه‌نی شاری دۆزخورماتوو له کۆبوونه‌وه‌ی ئه‌م دواییه‌ی خۆیدا شه‌لال عه‌بدوڵی له پۆسته‌که‌ی قایمقامێتیی ئه‌و شاره دوور خسته‌وه و له ده‌رئه‌نجامدا عه‌بدوڵ کاردانه‌وه‌ی به‌و کاره نیشان دا و حه‌شدی شه‌عبی له دۆزخورماتووی به ده‌ست هه‌بوون له ڕه‌وتی وه‌لاوه‌نانی خۆی تۆمه‌تبار کرد.
کۆدی هه‌واڵنێر: 60103
Your Comment