به‌پێی هه‌واڵی کوردپرێس، کریستۆفر فیلیپس، توێژه‌رێکی په‌یمانگه‌ی چتم هاوس له یادداشتێکی ماڵپه‌ڕی میدڵ ئیست ئای هۆشداری داوه له به‌ر ئه‌وه‌ی دۆناڵد تره‌مپ به‌رنامه و ڕه‌فتاری پێشبینی نه‌کراوی لێ سه‌رهه‌ڵده‌دات ناکرێت چاوه‌ڕوانی پاڵپشتی کردنی ناوبراو له کوردی سووریا بین.
ئه‌و خاوه‌ن بیره بڕوای وایه پێوه‌ندیی نێوان کوردی سووریا و حکوومه‌تی مه‌رکه‌زی ناڕوونیی تێیدایه و ئه‌گه‌ری تێکه‌ڵچوونیان وێنا ده‌کرێت، هه‌ڵبه‌ت به‌رده‌وام بوونی ئه‌مریکا له سووریا کاریگه‌ریی له‌و گۆڕانکارییانه‌دا ده‌بێت.
به‌و حاڵه‌شه‌وه ئه‌و خاوه‌نبیره بڕوای وایه نابێت کورده‌کان زۆر به ته‌مای پاڵپشتیی ئه‌مریکا بن چوونکه ڕه‌فتاری دۆناڵد تره‌مپ پێشبینی ناکرێت. سه‌ره‌ڕای ئه‌وه‌ش ئه‌مریکا پێشتریش بۆ پاراستنی به‌رژه‌وه‌ندییه‌کانی خۆی کوردی فروشتوووه.
واشنتۆن له ڕووداوی که‌وتنی که‌رکووک و کۆنتڕۆڵ کرانی له لایه‌ن حکوومه‌تی فیدڕاڵی عێراقه‌وه پشتی له کورد کرد.
کۆدی هه‌واڵنێر: 60104
Your Comment