به‌پێی هه‌واڵی کوردپرێس، ئێره یاریگای تۆپی پێی شاری كیرۆڤسكه له باكووری ڕووسیا. ساڵانه له‌م ناوچه‌یه به‌هۆی نزمی پله‌كانی گه‌رماوه فێستیڤاڵی په‌یكه‌سازی له به‌فر و سه‌هۆڵ ساز ده‌كرێت.
ئه‌مساڵ جیاواز له ساڵانی‌تر گرووپێكی میووزیكی نه‌رویجی به‌شدار بوون و له ئامێری میووزیكی له سه‌هۆڵ داتاشراو میووزیكیان ژه‌نی.
تێری ئیسۆنگست میووزیسیانێكی به‌ناوبانگی نه‌رویجه و ماوه‌ی 20 ساڵ ئه‌زموونی كار كردنی له‌م جۆره میووزیكه هه‌یه و 7 ئه‌لبۆمی میووزیكیشی بڵاو كردۆ‌ته‌وه.
شایانی باسه؛ به‌هۆی نزمیی پله‌كانی گه‌رماوه له باكووری ڕووسیا له وه‌رزی زستاندا به‌فر و سه‌هۆڵ به شێوه‌یێكی به‌رچاو له ناوچه‌كه‌دا به‌كار ده‌هێنرێت بۆ دروست كردنی په‌یكه‌ر و كاری هونه‌ری بۆ ئه‌وه‌ی سه‌رنجی گه‌شتیارانی ناوخۆ و ده‌ره‌وه ڕابكێشێت و به ڕای ڕێكخه‌رانی فێستیڤاڵه‌كه‌ش رێژه‌یێكی زۆر له گه‌شتیاران ئه‌مساڵ سه‌ردانی ناوچه‌كه‌یان كردوووه.
سه‌رچاوه: KNN
کۆدی هه‌واڵنێر: 60103
Your Comment