به‌پێی هه‌واڵی کوردپرێس، محه‌مه‌د فازڵ وته‌بێژی به‌ڕێوه‌به‌رایه‌تیی ئاسایشی ڕاپه‌رین له کۆنگره‌یێکی ڕۆژنامه‌وانیدا وتی: له ساڵی ڕابردوو ٢٥٧ دۆسێی تایبه‌ت به مادده‌ی هۆشبه‌ر هه‌بوووه، لێکۆڵینه‌وه له ٣٨ دۆسێ به‌رده‌وامه و ئه‌وانی تر ڕه‌وانه‌ی دادگا تایبه‌تمه‌نده‌کان کراون.
ناوبراو وتیشی: کۆی گشتیی ڕاگیراوان و ده‌ستبه‌سه‌رکراوان له ئاسایشی ڕاپه‌ڕین به مادده‌ی هۆشبه‌ر، ٥٣ که‌سه.
محه‌مه‌د فازڵ ئاماژه‌ی به‌وه‌ش کرد: له ٢٠١٧دا ٤٠٠ گرام حه‌شیش و سێ نیوه ده‌به جۆری کریستاڵی ئاماده‌کراو که هه‌ر نیوه ده‌به‌یێک ٢٠ کیلۆگرام بوووه، له‌گه‌ڵ ٢٨ کیلۆگرام هێرۆین و ١٨ کلیۆگرام حه‌بی هاڕاو و زیاتر له سێ ملیۆن و ٦٠٠ هه‌زار حه‌بی ترامادۆڵ ده‌ستیان به‌سه‌ردا گیراوه.
ناوبراو وتیشی: ٢٩ تۆمه‌تبار له‌و دۆسێیانه‌دا سزا دراون، ٩ تۆمه‌تبار له ڕه‌گه‌زی مێ هه‌بوون له‌گه‌ڵ ١٢ تۆمه‌تباری خوار ته‌مه‌ن ١٨ ساڵ و ٩ تۆمه‌تباری بیانی.
سه‌رچاوه: NRT
کۆدی هه‌واڵنێر: 60104
Your Comment