به‌پێی هه‌واڵی کوردپرێس، ڕاکان سه‌عید جبووری، پارێزگاری که‌رکووک له‌ لێدوانێکی ڕۆژنامه‌وانیدا ئاماژه‌ی دایه‌ ئه‌وه‌ی که‌ که‌رکووک یه‌ک له‌و پارێزگا‌ گرینگانه‌یه‌ که‌ ئیتنیکی جۆراوجۆری تێدایه‌ و ناوچه‌ کێشه‌له‌سه‌ره‌کان ئێستا سه‌قامگیره‌ و ئاسایشێکی بێ وێنه به‌ خۆوه‌ ده‌بینن.

ناوبراو هه‌روه‌هاش جه‌ختی کرده‌وه‌ عه‌ره‌ب و تورکمان دژ به‌ به‌شداریی پێشمه‌رگه‌ و هه‌موو هێزێکی ده‌ره‌وه‌ی ئیداره‌ی ده‌وڵه‌تی فیدڕاڵن بۆ ڕه‌وتی پاراستنی ئاسایشی ناوچه‌ کێشه‌له‌سه‌ره‌کان.

جبووری وتیشی: ئه‌وه‌ هه‌وڵێکه‌‌ بۆ تێکدانی ئاسایشی عێراق.

ناوبراو زیادیشی کرد: دامه‌زراندنی هێزێکی پێکهاتوو له‌ هه‌موو ئیتنیکه‌ عێراقییه‌کان له‌ لایه‌ن ده‌وڵه‌تی فیدڕاڵه‌وه‌ بۆ پاراستنی ئاسایشی پارێزگای که‌رکووک پێشوازیی هه‌موو ئیتنیکه‌کانی ئه‌و پارێزگایه‌ی به‌دوادا ده‌بێت.

سه‌رچاوه‌: هه‌واڵده‌ریی "الاتجاه‌ پرس"

کۆدی هه‌واڵنێر: 60104