به‌پێی هه‌واڵی کوردپرێس، زانا سه‌عید له گفتوگۆ له‌گه‌ڵ ماڵپه‌ڕی "بغداد الیوم"دا ڕای‌گه‌یاند: لیژنه ته‌کنیکییه‌کانی ده‌وڵه‌تی فیدڕاڵ و هه‌رێمی کوردستان لێکدانه‌وه‌ی لیستی مووچه‌ی فه‌رمانبه‌رانی دوو وه‌زاره‌تخانه‌ی ته‌ندروستی و په‌روه‌رده‌یان ده‌ست پێکردوووه و له‌مباره‌شه‌وه دانووستانگه‌لێک سه‌باره‌ت به پرسه جێناکۆکییه‌کانی نێوان دوو لایه‌ن ئه‌نجام دراوه.
ناوبراو ئاماژه‌ی به‌وه‌ش کرد چاره‌سه‌رکردنی پرسی سه‌ره‌کیی نێوان هه‌ولێر- به‌غدا ته‌نیا پاش هه‌ڵبژاردنی گشتیی عێراق و هه‌رێمی کوردستان و هه‌ڵبژاردنی ده‌وڵه‌تێکی نوێ له هه‌رێمی کوردستان مومکین ده‌بێت.
زانا سه‌عید، به‌غدا به به‌رپرسی دواکه‌وتنی ئه‌نجام‌دانی ئه‌و جۆره گفتوگۆیانه ده‌زانێت به مه‌به‌ستی وه‌رگرتنی ده‌نگی هه‌ندێک له قه‌باره سیاسییه‌کانی عێراق.
ناوبراو ڕاشی‌گه‌یاند: ته‌نیا هه‌ندێک پرسی بچووک پێش له هه‌ڵبژاردنه‌کانی عێراق و هه‌رێمی کوردستان له ڕێگای گفتوگۆی نێوان به‌غدا- هه‌ولێره‌وه چاره‌سه‌ر ده‌کرێت.
کۆدی هه‌واڵنێر: 60103
Your Comment