به‌پێی هه‌واڵی کوردپرێس، بڕیاره ڕه‌جه‌ب ته‌ییب ئه‌ردۆغان سه‌رۆک کۆماری تورکیا به‌م زوووانه سه‌ردانی فه‌ڕه‌نسا بکات به‌ڵام سه‌فه‌ری ئه‌ردۆغان بۆ فه‌ڕه‌نسا له‌لایه‌ن حیزبی کۆمۆنیستی ئه‌و وڵاته‌وه سه‌رکۆنه کراوه.
حیزبی کۆمۆنیستی فه‌ڕه‌نسا له به‌یاننامه‌یێکدا ئاماژه‌ی کرد به کوشتنی سێ چالاکوانی کوردی تورکیا له پاریس به ناوه‌کانی سه‌کینه جانسز، فیدان دۆغان و له‌یلا سویله‌مز و تۆمه‌تبار بوونی ده‌زگای هه‌واڵگریی میت بۆ ده‌ست هه‌بوون له‌و کوشتنانه و ڕای‌گه‌یاند: سیسته‌می دادیی فه‌ڕه‌نسا به ڕاشکاوی هه‌ندێ به‌ڵگه‌ی ئاشکرا کرد که باس له ده‌ست هه‌بوونی ده‌زگای هه‌واڵگریی تورکیا له‌و کاره ده‌کات.
له‌و به‌یاننامه‌یه‌دا حیزبی کۆمۆنیستی فه‌ڕه‌نسا ڕای‌گه‌یاندوووه: دیداری ڕه‌جه‌ب ته‌ییب ئه‌ردۆغان و ئێمانۆئێل ماکرۆن سووکایه‌تییێکی دیکه به بنه‌ماڵه‌ی قوربانیان و کورده‌کانی تورکیایه.
شایانی باسه؛ له ساڵی 2013دا سێ چالاکوانی کوردی تورکیا له پاریسدا کوژران.
سه‌رچاوه: ڕادیۆ فه‌ڕه‌نسا
کۆدی هه‌واڵنێر: 60103
Your Comment