به‌پێی هه‌واڵی کوردپرێس، جه‌یمس ماتیس وه‌زیری به‌رگریی ئه‌مریكا ڕای ده‌گه‌یێنێت: سووریا هه‌ڵه ده‌كات ئه‌گه‌ر سنووری خۆی ببه‌زێنێت و هێرش بكاته سه‌ر هێزه‌كانی سووریای دیموكرات هه‌سه‌ده له رۆژهه‌ڵاتی سووریا.
ماتیس وتیشی: بۆ پاراستنی ئاسایشی رۆژهه‌ڵاتی سووریا، ساڵی داهاتوو ئه‌مریكا هێزی زیاتر ڕه‌وانه‌ی ئه‌و ناوچه‌یه ده‌كات و چه‌ندین دیپلۆماتكاری ئه‌مریكی ڕه‌وانه‌ی ئه‌و ناوچه‌یه ده‌كه‌ن.
هاوكات وه‌زیری به‌رگریی ئه‌مریكا جه‌خیشی كرده‌وه: له نێوان هاوپه‌یمانه‌كانمان و سووریا هێڵی جیاكه‌ره‌وه هه‌یه و واشنتۆنیش له ئاوه‌دان كردنه‌وه‌ی رۆژهه‌ڵاتی سووریا به‌شدار ده‌بێت.
ئه‌مه‌ش له كاتێک دایه، پێشتر ڕووسیا داوای له ئه‌مه‌ریكا كردبوو، هێزه‌كانی خۆی له ناو خاكی سووریا بكشێنێته‌وه.
کۆدی هه‌واڵنێر: 60104
Your Comment