کوردپرێس:

وەزارەتی تەندروستیی حکومەتی هەرێمی کوردستان، ئاماری 24 کاتژمێری رابردووی کۆرۆنای بڵاوکردەوە، بەپێی ئامارەکە یەک کەس لە هەولێر، کەسێکیش لە سلێمانی بە پەتای کۆرۆنا گیانیان لەدەست داوە.

وەزارەتی تەندروستی، ئاماژەى بەوە کردوە، لەو چوار هەزار و 862 کەسەی پشکنینی کۆرۆنایان کردووە، 70ـیان تووشی کۆرۆنا بوون و ژمارەی چاکبووانیش لە کۆرۆنا، 105 کەسە کە زۆرترینیان (64) کەسیان لە سلێمانی بوون.

بەپیی ئامارەکە ژمارەی کۆچکردووان بە کۆرۆنا لە کوردستان لە سێ هەزار و 500 کەس نزیکدەبێتەوە و گەیشتووەتە 3489 کەس، کە بەجیاوازییەکی زۆر، زۆربەی کۆچکردووان لە پارێزگای سلێمانین و ژمارەیان 1698 کەسە.