به‌پێی هه‌واڵی کوردپرێس، شاخه‌وان عه‌بدوڵڵا له میانی لێدوانێكی ڕای گه‌یاندوووه: دۆخی ئه‌منی شاری كه‌ركووک به شێوه‌یێک خراپه رۆژانه خه‌ڵک ده‌كوژرێت و خه‌ڵک ده‌رفێنرێت، ئه‌وه‌ش له لایه‌ن گرووپه چه‌كدارییه‌كانی شاره‌كه.
ئه‌و په‌رله‌مانتاره جه‌ختیشی كردۆ‌ته‌وه كه كه‌ركووک ئێستا له دۆخێكی مه‌ترسیدار دایه و به‌هۆی ئه‌و گرووپه چه‌كدارییانه و كێشه‌كانی شاره‌كه، ئه‌گه‌ری كه‌وتنی زۆره، ئه‌وه‌ش به‌هۆی هێرشی چه‌كدارانی داعش.
پێشتر داعش هێرشی كرده سه‌ر كه‌ركووک، به‌ڵام هێزی پێشمه‌رگه رێگری لێكرد و سێ ساڵ شاره‌كه‌ی كۆنتڕۆڵ كرد، به‌ڵام ماوه‌یێكه شاره‌كه كه‌وتۆ‌ته ده‌ست هێزه عێراقییه‌كان.
ئه‌و په‌رله‌مانتاره ئه‌وه‌شی ڕاگه‌یاندوووه كه حكوومه‌تی عێراق گوێ به‌و دۆخه خراپه‌ی شاری كه‌ركووک نادات و ئاشكراشی كردوووه، چه‌ند جارێک حه‌یده‌ر عه‌بادی سه‌رۆک وه‌زیرانیان له‌و دۆخه ئاگادار كردۆ‌ته‌وه، به‌ڵام وه‌ڵامیان نه‌بووه.
کۆدی هه‌واڵنێر: 60104
Your Comment