بەپێی هەواڵی کوردپرێس، پێوەندییە گشتییەکانی ئیدارەی میراتی فەرهەنگی و پیشە دەستکردەکانی ئازەربایجانی ڕۆژئاوا ئەمڕۆ سێشەممە 5ی بەفرانبار ڕای­گەیاند: پاش ئاگادار بوونەوە لەوەی کە دەست درێژی کراوتە سەر قەڵای مێژوویی قەڵاتگای ورمێ و چاڵی تێدا کەندراوە، بە ئامادە بوونی فەرماندە و بەرپرسی یەکینەکانی پارستنی میراتی فەرهەنگی ورمێ، پرسەکە خرایە بەردەست و تاوتوێ کرا.

لە ڕاپۆرتەکەدا هەروەها هاتوو: توێژینەوە سەرەتاییەکان دەری دەخەن کە چەند کەسێکی نەناسراو بە کەڵک وەرگرتن لە دۆخی خراپی کەشوهەوا لە بەری باکووری تەپەکەوە دەستیان کردووەتە کەندن.

پێوەندییە گشتییەکانی ئیدارەی میراتی فەرهەنگی و پیشە دەستکردەکانی ئازەربایجانی ڕۆژئاوا ڕاشی­گەیاندووە پاش ئەو ڕووداوە گرووپە کۆنینەناسەکان شوێنەکەیان پشکنی و دەرکەوت کە قاچاخچییەکان بە ئامانجەکەیان نەگەشتوون بەڵام بەری باکووری دیواری تەپەکەیان ڕووخاندووە.

کۆدی هه‌واڵنێر: 60113