کوردپرێس:

ڕۆژی یەکشەمە 29ی کانوونی یەکەمی 2019 کۆنگرەی هەشتەمی یەکگرتووی ئیسلامیی کوردستان بە ناساندنی ئەندامانی هەڵبژێردراوی سەرکردایەتیی یەکگرتوو کۆتاییی بە کارەکانی خۆی هێنا و سەڵاحەدین بەهائەدینیش دوبارە وەک ئەمینداری گشتیی یەکگرتوو بە زۆرینەی دەنگ هەڵبژێردرایەوە.

مەهدی شووشتەری سەرکونسووڵی ئێران لە سلێمانی پەیامێکی پیرۆزباییی بۆ سەڵاحەدین بەهائەدین نارد و پیرۆزباییی هەڵبژێردرانی دوبارەی لێکرد و هیوای سەرکەوتنی بۆ خواست.

شووشتەری هیوای ئەوەشی خواستووە کە بە ئەمیندارێتیی سەڵاحەدین بەهائەدین پێوەندییەکانی نێوان ئێران و حیزبی یەکگرتووی ئیسلامیی کوردستان پەرەی زیاتری پێبدرێت.