کوردپرێس:
دۆناڵد تره‌مپی سەرۆکی ئەمریکا له لێدوانێكدا ئاماژەی بە گفتوگۆی خۆی لەگەڵ ئەردۆغان سەبارەت بە مەسەلەی کورد و سووریا کرد و گوتی: رێز له هه‌وڵه‌كانی توركیا ده‌گرین و ئاگربه‌ست به شێوه‌یێكی باش له سووریا به‌رده‌وامه.
سه‌باره‌ت به یه‌كێتی ئه‌وروپاش، گوتی: هه‌وڵده‌ده‌ین له‌گه‌ڵ یه‌كێتیی ئه‌ورووپا رێككه‌وتنێكی هاوسه‌نگمان هه‌بێت.
ئه‌مڕۆ له په‌راوێزی كۆبوونه‌وه‌ی لووتكه‌ی وڵاتانی ناتۆ له له‌نده‌ن، تره‌مپ له‌گه‌ڵ ئه‌ردۆغان كۆ بووه‌وه.
له‌و باره‌یه‌وه، نووسینگه‌ی ڕاگه‌یاندنی سه‌رۆكایه‌تی توركیا رایگه‌یاند، دیداره‌كه‌ی تره‌مپ و ئه‌ردۆغان "زۆر به‌رهه‌مدار" بووه، به بێ ئه‌وه‌ی باس له ورده‌كارییه‌كانی بكات.
دوێنێ یه‌كه‌م رۆژی كاره‌كانی لووتكه‌ی هاوپه‌یمانیی باكووری ئه‌تڵه‌سی له له‌نده‌ن ده‌ستی به كار كرد.
Your Comment