کوردپرێس: ناوه‌ندی میدیایی عه‌فرین بڵاوی كرده‌وه، گرووپه چه‌كداره‌كانی سه‌ربه سوپای توركیا سه‌نته‌ری شارۆچكه‌ی ته‌ل ره‌فعه‌تیان تۆپباران كرد و یه‌كێک له گوللـه‌تۆپه‌كان به‌ر شوێنێكی نزیک خاڵێكی مانگی سووری سووریا كه‌وت و یه‌كێكی دیكه‌ش شوێنێكی نزیک وێستگه‌ی گواستنه‌وه كه‌وتووه.
وه‌ک راشیگه‌یاندووە، له ئه‌نجامی ئه‌و تۆپبارانه 9 هاووڵاتیی سڤیل گیانیان له‌ده‌ست دا كه زۆربه‌یان منداڵن و 12ی دیكه‌ش بریندار بوون، برینی ژماره‌یه‌كیان سه‌خته.
شارۆچكه‌ی ته‌ل ره‌فعه‌ت ده‌كه‌وێته دووریی 25 كیلۆمه‌تر له رۆژهه‌ڵاتی شاری عه‌فرین و له ساڵی 2016-ه‌وه له كۆنترۆڵی هێزه‌كانی یه‌په‌گه‌دایه. دوای داگیركردنی عه‌فرینیش له‌لایه‌ن سوپای توركیاوه، زیاتر له 200 هه‌زار هاووڵاتی عه‌فرین په‌نایان بۆ ته‌ل ره‌فعه‌ت و ده‌وروبه‌ری بردووه.
کۆدی هەواڵنێر: 60113
Your Comment