کوردپرێس: ئایگیول لە زنجیرە نووسینێکیدا لە تۆڕی کۆمەڵایەتی تویتەر باس لە تێکچوونی باری تەندروستیی براکەدەکات و دەڵێت: "لە رێکەوتی 26/10 براگەوەورەکەم (سەڵاحەدین دەمیرتاش) بەهۆکاری تەنگە نەفەسی و سنگ ئێشە لە هۆش خۆی چووە، بۆ ماوەیێکی زۆر لە بێهۆشیدا بووە و هیچ چارەسەرێکی پزیشکی بۆ نەکراوە، تەنها هاوزیندانیەکەی عەبدولا زەیدا چەند چارەسەرێکی سەرەتایی پزیشکی بۆ کردووە".

ئایگیول دەمیرتاش دەشنووسێت: "دواتر ئۆتۆمبێلی فریاکەوتنی خێرای بۆ بانگکراوە، بەڵام تەنها پشکنینی هێڵکاری دڵی بۆ کراوە، داوامان کردووە ببرێت بۆ نۆرینگەیێکی پزیشکی".

بە وتەی خوشکەکەی دەمیرتاش بەرپرسە تەندروستیەکانی گرتووخانەکە ئاماژەیان بە پێوستی پشکنینی هێڵکاری مێشک و دەمار کردووە بۆی، بەڵام لێپرسراوانی گرتووخانەکە رەتیان کردوەتەوە رێگا بدرێت ببرێتە دەرەوە.

ناوبراو ئاماژەی بەوەش داوە تا ئێستا هەفتەیێکی تەواو تێپەڕیوە و مەترسی ژیانی هەیە، بەڵام حکوومەت رەزامەند نیە بە گواستنەوەی دەمیرتاش بۆ نەخۆشخانە.

کۆدی هەواڵنێر: 60113