به‌پێی هه‌واڵی کوردپرێس، سروه عه‌بدولواحد له گفتوگۆ له‌گه‌ڵ که‌ناڵی ته‌له‌فزیۆنیی "دیجله" ی عێراقدا ڕای‌گه‌یاند: به‌ڕێوه‌چوونی خۆپیشاندان له هه‌ولێر و دیکه‌ی ناوچه‌کانی هه‌رێمی کوردستان تاوانێکی زۆر قورسی بۆ خۆپیشانده‌ران به‌دواوه ده‌بێت. ته‌نانه‌ت ئه‌گه‌ر هاووڵاتییانی هه‌ولێریش بیر له به‌ڕێوه چوونی خۆپیشاندان بکه‌نه‌وه ده‌ستگیر ده‌کرێن.
ناوبراو وتیشی: خۆپیشانده‌رانی سلێمانیش به مه‌به‌ستی گوشارخستنه سه‌ریان له‌لایه‌ن به‌رپرسانی هه‌رێمی کوردستانه‌وه به‌ره‌وڕووی ده‌ستگیر کردنی ئه‌ندامانی بنه‌ماڵه‌یان بوونه‌ته‌وه.
ناوبراو باس له جیاوازیی نێوان به‌غدا و سلێمانی بۆ مامه‌ڵه له‌گه‌ڵ خۆپیشانده‌ران ده‌کات و ڕاشی‌گه‌یاند: خۆپیشاندانێکی زۆر له به‌غدا ئه‌نجام ده‌بێت به‌ڵام خۆپیشانده‌ران سه‌رکوت ناکرێن و به‌رپرسانی سلێمانیش ده‌یانه‌وێت خۆپیشانده‌ران سه‌رکوت بکه‌ن.
کۆدی هه‌واڵنێر: 60103
Your Comment