به‌پێی هه‌واڵی کوردپرێس، کێن گرۆس کۆنسووڵی ئه‌مریکا له هه‌ولێر شه‌وی سێشه‌ممه له‌گه‌ڵ سه‌عدی ئه‌حمه‌د پیره وته‌بێژی یه‌کێتیی نیشتمانیی کوردستان کۆ بوویه‌وه و له‌و دیداره‌دا نیازی ئه‌مریکا بۆ چاره‌سه‌ری کێشه‌ی نێوان هه‌ولێر- به‌غدا له ڕێگای ئاشتییانه و دایلۆگه‌وه ڕاگه‌یێندرا.
گرۆس له‌و دیداره‌دا هه‌روه‌هاش جارێکی‌تر پاڵپشتی کردنی واشنتۆنی بۆ نزیک بوونه‌وه و لێکتێگه‌یشتنی به‌غدا و هه‌ولێر و پاڵپشتی کردنی حکوومه‌تی هه‌رێمی کوردستان تاوه‌کوو به‌ڕێوه چوونی هه‌ڵبژاردنی په‌رله‌مانی هه‌رێم دووپات کرده‌وه.
سه‌عدی پیره‌ش له دیداره‌که‌دا وێڕای ستایش کردنی ده‌وری ئه‌مریکا و هاوپه‌یمانیی نێوده‌وڵه‌تیی دژه‌داعش و هاوکارییه‌کانی واشنتۆن له‌گه‌ڵ هه‌رێمی کوردستان هیوای ئه‌وه‌ی خواست واشنتۆن و هاوپه‌یمانیی نێوده‌وڵه‌تی له‌م دۆخه‌ی ئێستاکه‌دا بۆ چاره‌سه‌ری کێشه‌کانی هه‌رێم ده‌ورێکی زیاتر ببینن.
پیره جه‌ختی کرده‌وه: یه‌کێتیی نیشتمانیی کوردستان و حکوومه‌تی هه‌رێم پاڵپشتی چاره‌سه‌ر کردنی ناکۆکیی نێوان هه‌ولێر و به‌غدا به شێوازی ئاشتییانه و دوور له شه‌ڕ و به‌کارهێنانی هێز ده‌که‌ن.
سه‌رچاوه: هه‌واڵده‌ریی "بغداد الیوم"
کۆدی هه‌واڵنێر: 60103
Your Comment