به‌پێی هه‌واڵی کوردپرێس، له ناو خۆپیشانده‌رانی شاری سلێمانی ڕابوون مه‌عرووف نوێنه‌ری سه‌ربه‌خۆی په‌رله‌مانی کوردستان و سه‌رکرده‌یێکی لیستی به‌ره‌ی نوێی هه‌رێمی کوردستان له‌لایه‌ن هێزه‌کانی ئاسایشه‌وه ده‌ستگیر کرا.
یووسف محه‌مه‌د سه‌رۆکی په‌رله‌مانی کوردستان به‌یاننامه‌یێکی بڵاو کرده‌وه و ده‌ستگیر کردنی ڕابوون مه‌عرووفی به پێشێل کردنی یاسا ڕاگه‌یاند و جه‌ختی کرده‌وه که په‌رله‌مانتار خاوه‌نی پارێزبه‌ندیی یاسایییه.
ناوبراو وتیشی: داوای ده‌ستبه‌جێ ئازاد کردنی ئه‌و په‌رله‌مانتاره و هه‌موو هاووڵاتییانی‌تر ده‌که‌ین كه ئه‌مڕۆ له ناو خۆپیشاندانه‌كاندا ده‌ستگیر كراون.
یووسف محه‌مه‌د داوای له هێزه‌کانی پۆلیس و ئاسایش و چالاکه مه‌ده‌نییه‌کانیش کرد خۆیان به دوور بگرن له ته‌قه کردن و ئازاردانی خۆپیشانده‌ران.
ناوبراو له کۆتاییی به‌یاننامه‌که‌دا داوا له خۆپیشانده‌ران ده‌کات به هه‌موو شێوه‌یێک دوور که‌ونه‌وه له کاری توندوتیژی و هه‌ڵکوتانه سه‌ر باره‌گای حیزبی و ده‌وڵه‌تییه‌کان و موڵک و ماڵی گشتی و تایبه‌ت و به ئارامی و به‌رده‌وامی خواست و داواكارییه ڕه‌وا و مه‌ده‌نییه‌كانیان دژ به‌م ده‌سه‌ڵاته شکست‌خواردوووه به‌رز بكه‌نه‌وه.
سه‌رچاوه: ئێن ئاڕتی
کۆدی هه‌واڵنێر: 60103
Your Comment