بەپێی هەواڵی کوردپرێس، بەختیار فەتاح سەرپەرشتیاری تیمی تەقاندنەوەی بۆمب لە بەڕێوەبەرایەتیی کاروباری مین لە سلێمانی ڕاگەیاند: ئەو بۆمبانەی دۆزراونەتەوە مێژووەکەیان بۆ شەڕی عێراق و ئیران دەگەڕێتەوە.
بەختیار فەتاح وتیشی: یەکێک لەو بۆمبانە کە لە جۆری فابە بە بۆمبێکی زەبەلاح ناودەبرێت، چوونکە کێشەکەی ٥٠٠ کیلۆگرامە، بۆمبەکانی دیکەش بەھەمان شێوە ئاراستە کراون و لە ئاسمانەوە بۆ زەوی فڕێدەدرێنە خوارەوە سەرجەمیشیان وێرانکەرن".
ناوبراو زیادی کرد: بۆمبە ٥٠٠ کیلۆگرامیەکە دروست کراوی ئیسپانیایە و ئەوانەی دیکەش لەلایەن ڕووسیاوە دروست کراون.
بەختیار فەتاح ئەوەشی وت: بۆمبەکانیش لە گوندی مەسۆ لە سنووری قەزای پێنجوێن دۆزراونەتەوە، تەنھا یەکێکیان دەتەقێندرێتەوە.
کۆدی هه‌واڵنێر: 60113
Your Comment