به‌پێی هه‌واڵی کوردپرێس، ئارێز عه‌بدوڵڵا له لێدوانێک بۆ "الغد پرس" ئاماژه‌ی به‌وه کرد له ڕێگای نامه‌یێکی نووسینگه‌ی سه‌رۆک‌وه‌زیرانه‌وه به فه‌رمی بۆ ئاهه‌نگی سه‌رکه‌وتنی عێراق به‌سه‌ر داعش بانگهێشت کراوه و وتیشی پاش بیستنی وته‌کانی عه‌بادی سه‌باره‌ت به کۆتایی شه‌ڕی داعش و سپاسی سه‌رۆک‌وه‌زیران له هێزه سه‌ربازییه‌کان به‌بێ ئه‌وه‌ی ناوێک له پێشمه‌رگه بهێنرێت و ڕۆڵیان له شه‌ڕی داعشدا ئاماژه‌ی پێبکرێت بڕیاری داوه له ئاهه‌نگه‌که‌دا به‌شداری نه‌کات.
ناوبراو وتی هیوادارم ئه‌م داپه‌ڕه‌ی عه‌بادی ئانقه‌ست نه‌بووبێت و ڕاشی‌گه‌یاند: سه‌رۆک‌وه‌زیران له هه‌موو لێدوان و قسه‌کانی خۆیدا له‌سه‌ر یه‌کگرتوویی و یه‌کپارچه‌یی عێراق و پێبه‌ند بوون به ده‌ستوور جه‌خت ده‌کاته‌وه به‌ڵام نه‌هێنانی ناوی پێشمه‌رگه و ئاماژه نه‌کردن به ڕۆڵی ئه‌و هێزه له شه‌ڕی دژه داعشدا ڕێک وه‌کوو پێشێل کردنی ده‌ستووره.
باسی له‌وه‌ش کرد عه‌بادی هێزی پێشمه‌رگه‌ی له بودجه‌ی 2018 بێبه‌ش کردووه و جه‌ختی کرده‌وه: ئه‌م چه‌شنه ڕه‌فتار و ئاکارانه له به‌رژه‌وه‌ندیی هه‌رێمی کوردستان و تێکڕای عێراقیش نییه.
کۆدی هه‌واڵنێر: 60105
Your Comment