به‌پێی هه‌واڵی کوردپرێس، میڕاڵ ئاکشنه‌ر سه‌رۆکی IP پارتی تورکیا که‌ سه‌ردانی دیاربه‌کری کردووه‌ له‌ لێدوانێکدا ئاماژه‌ی دایه‌ بابه‌تی لابردنی ڕێژه‌ی یاساییی هه‌ڵبژاردن که‌ له‌لایه‌ن پارتی بزاڤی نه‌ته‌وه‌په‌ره‌سته‌وه‌ خراوه‌ته‌ ڕوو و ڕای‌­گه‌یاند: ڕێژه‌ی یاساییی هه‌ڵبژاردن ده‌بێ له‌سه‌دا 10 بۆ له‌سه‌دا 5 دابه‌زێت. ئه‌و بابه‌ته‌مان له‌ به‌رنامه‌ی پارته‌که‌ش داناوه‌.

ناوبراو له‌ درێژه‌ی وته‌کانیدا ڕوونیشی کرده‌وه‌: پاش 15 ساڵ سه‌ردانی شڕناخ ده‌که‌م، زۆر حه‌ز ده‌که‌م که‌ بزانم له‌ ماوه‌ی ئه‌و 15 ساڵه‌دا چ گۆڕانکارییێک ڕووی داوه‌. له‌ شڕناخ ڕووداوێکی زۆر ڕووی داوه‌. گوێگرتن له‌ قسه‌ی هاووڵاتییانی ئه‌وێ ئه‌رکی ئێمه‌یه‌. له‌ بواری سیاسیدا ڕکابه‌ری شتێکی باشه‌ به‌ڵام له‌ تورکیادا خه‌ڵک ناچارن له‌ نێوان دوو بژارده‌دا یه‌کێکیان هه‌ڵبژێرن. هه‌م له‌ ڕۆژهه‌ڵاتی تورکیا و هه‌میش له‌ ڕۆژئاوای تورکیادا خه‌ڵک 2 بژارده‌یان هه‌یه‌. له‌ ڕۆژئاوا خه‌ڵک له‌ نێوان پارتی کۆماریخوازی گه‌ل و پارتی داد و گه‌شه‌دا یه‌کێکیان هه‌ڵده‌بژێرن و له‌ ڕۆژهه‌ڵات و باشووری ڕۆژهه‌ڵاتی تورکیاش ناچارن له‌ نێوان پارتی داد و گه‌شه‌ و دیموکراتیکی گه‌لان یه‌کیان هه‌ڵبژێرن. ئێمه‌ ئه‌ڵترناتیڤێکی به‌‌هێز و جیاواز پێکدێنین.

سه‌رچاوه‌: هه‌واڵده‌ریی T24ی تورکیا

کۆدی هه‌واڵنێر: 60104