به‌پێی هه‌واڵی کوردپرێس، ئۆردووی ڕاهێنانی هه‌ڵبژارده‌ی نه‌ته‌وه‌ییی تۆپی پێی کچان 17ی مانگی سه‌رماوه‌ز له‌ ناوه‌ندی نه‌ته‌وه‌ییی تۆپی پێ ده‌ستی پێده‌کرێت و ده‌بێ سه‌میرا مه‌حموود پوور و 19 یاریزانی دیکه‌ له‌و ئۆردووه‌دا ئاماده‌ بن.

حامد جه‌ولایی به‌ڕێوه‌به‌ری گشتیی وه‌رزش و گه‌نجانی پارێزگای کوردستان ده‌ڵێت: سه‌رڕاهێنه‌ری هه‌ڵبژارده‌ی نه‌ته‌وه‌ییی تۆپی پێ 20 یاریزانی له‌ سه‌رانسه‌ری وڵات بانگهێشتی ئۆردووه‌که‌ کردووه‌ و ده‌بێ 17ی سه‌رماوه‌ز یاریزانانی بانگهێشت‌کراو خۆیان به‌ کادێری ته‌کنیکی بناسێنن.

ئه‌و ئۆردوووه‌ تاکوو 20ی سه‌رماوه‌ز له‌ ناوه‌ندی نه‌ته‌وه‌ییی تۆپی پێ به‌رده‌وامه‌.

سه‌رچاوه‌: ئیداره‌ی گشتیی وه‌رزش و گه‌نجانی پارێزگای کوردستان

کۆدی هه‌واڵنێر: 60103