به‌پێی هه‌واڵی کوردپرێس، زانا سه‌عید له‌ لێدوانێکی ڕۆژنامه‌وانیدا باسی له‌وه‌ کرد پاش کۆکردنه‌وه‌ی ژماره‌یێک ئیمزا ڕه‌شنووسی یاسای "له‌ کوێ هێناوته‌؟"ی پێشکه‌شی ده‌سته‌ی سه‌رۆکایه‌تیی په‌رله‌مانی عێراق کردووه‌ و په‌رله‌مانیش ڕه‌شنووسه‌که‌ی بۆ لێکۆڵینه‌وه‌ و هه‌ڵسه‌نگاندنی ناردۆته‌ لێژنه‌ی تایبه‌ت به‌و کاره‌.

زانا سه‌عید جه‌ختیشی کرده‌وه‌: ڕه‌شنووسه‌که‌ پاش پشوودانی په‌رله‌مان ده‌که‌وێته‌ به‌ر لێکۆڵینه‌وه‌ و ئه‌گه‌ر په‌سه‌ند بکرێت له‌ تێکڕای پارێزگاکانی عێراق و هه‌رێمی کوردستانیش جێبه‌جێ ده‌کرێت.

ناوبراو هیوای خواست گه‌ڵاڵه‌که‌ی بتوانێت وه‌کوو هه‌نگاوێکی خێرخوازانه ببێته‌ ڕێگرێک له‌ به‌رده‌م به‌رپرسانی عێراقی تاوه‌کوو له‌ گه‌نده‌ڵی و هه‌لقۆستنه‌وه‌ له‌ پۆسته‌کانیان بۆ کۆ کردنه‌وه‌ی سروه‌ت و سامان دوور بخرێنه‌وه‌.

سه‌رچاوه‌: ماڵپه‌ڕی هه‌واڵیی "بغداد الیوم"

کۆدی هه‌واڵنێر: 60103