به‌پێی هه‌واڵی کوردپرێس، موجته‌با خالیدی سه‌باره‌ت به دواهه‌مین ورده‌کارییه‌کانی بوومه‌له‌رزه‌ی دوێشه‌وی ناوچه‌ی کۆزه‌ران سه‌ر به پارێزگای کرماشان ڕای­­گه‌یاند: کۆبوونه‌وه‌ی به‌ڕێوه‌به‌رایه‌تیی قه‌یران له پارێزگای کرماشان کاتژمێر 1:30ی پاش نیوه‌شه‌و به‌ڕێوه‌چوو و به‌شی ئورژانسی ناوه‌ندیی کرماشانیش وه‌کوو نوێنه‌ری زانستگای پزیشکی به‌شداریی کرد.
ناوبراو ئاماژه‌ی کرده ڕاپۆرتی تیمه‌کانی هه‌ڵسه‌نگاندن و وتی: تا ئێستا 9 که‌س به هۆی ترۆمای سووک خۆیان گه‌یاندۆته ئامبۆله‌نسه‌کانی دامه‌زراو له کۆزه‌ران و هه‌روه‌ها سه‌رپێی ده‌رمانیان بۆ کراوه.
خالیدی وته‌بێژی ئورژانسی وڵات وتیشی: دوو تیمی هه‌ڵسه‌نگاندن و چاودێری هێشتاکه‌ش له ناوچه‌که‌دا ده‌گه‌ڕێن.
سه‌رچاوه: ئیلنا
کۆدی هه‌واڵنێر: 60104
Your Comment