به‌پێی هه‌واڵی کوردپرێس، عه‌لی هاشمی وته‌بێژی چه‌کدارانی حه‌شدی شه‌عبی ڕاگه‌یاندووه: "هه‌شت گولـله هاوه‌ن له پشت چیای هه‌نجیره‌وه، ئاراسته‌ی ناو شارۆچکه‌ی خورماتوو کراوه و زیانی به ناوچه‌که گه‌یاندووه".
عه‌لی هاشمی ئاماژه‌ی به‌وه داوه "تا ئێستا نازانین کێ له‌پشت ئه‌م کاره‌وه‌یه، گولـله هاوه‌نه‌کانیش له چه‌ند شوێنێکی جیاجیا که‌وتوونه‌ته خواره‌وه".
له لایێکی دیکه‌وه گومان ده‌کرێت، ئاراسته‌کردنی ئه‌و گولـله هاوه‌نانه بۆ شارۆچکه‌ی خورماتوو، له لایه‌ن ئه‌و گرووپه چه‌کداره نه‌ناسراوه‌وه بن، که ماوه‌یێکه له سنووره‌کانی نزیک شارۆچکه‌ی خورماتوو ده‌رکه‌وتوون، ئه‌نجام درابێت.
چیای هه‌نجیره، به‌دوری یه‌ک کیلۆمه‌تر ده‌که‌وێته ڕۆژهه‌ڵاتی شارۆچکه‌ی خورماتوو، له دوای ڕووداوه‌کانی ١٦ ئاکته‌وبره‌‌وه، ئه‌و چیایه که‌وتووه‌ته ده‌ست چه‌کدارانی حه‌شدی شه‌عبی.
سه‌رچاوه: شارپرێس
کۆدی هه‌واڵنێر: 60104
Your Comment