به‌پێی هه‌واڵی کوردپرێس، حه‌سه‌ن یاسری له‌ کۆنفڕانسێکی ڕۆژنامه‌وانیدا ڕای‌گه‌یاند: ده‌سته‌ی نه‌زاهه‌ی عێراق سه‌ره‌ڕای ئه‌وه‌ی به‌رپرسانی هه‌رێمی کوردستان داواکاریی ئه‌و ده‌سته‌یه‌ بۆ ڕاگه‌یاندنی ڕێژه‌ی دارایییه‌کانیان قبووڵ ناکه‌ن داوای له‌ مه‌سعوود بارزانی سه‌رۆکی پێشووی هه‌رێمی کوردستان کردووه‌ ڕێژه‌ی دارایییه‌کانی خۆی له‌ ساڵی 2015ه‌وه‌ ڕابگه‌یێنێت و وه‌ڵام نه‌دانه‌وه‌ ناوبراو بۆ ئه‌و داوایه‌ پێشێل کردنی ده‌ستووری عێراقه‌.

یاسری داوا له‌ ئه‌نجومه‌نی نوێنه‌رانی عێراق ده‌کات یاسایێک دابڕێژن بۆ ئه‌وه‌ی بتوانێت له‌ چالاکی و کاروباری ده‌سته‌ی نه‌زاهه‌ بۆ به‌ره‌نگار بوونه‌وه‌ی گه‌نده‌ڵی پاڵپشتی بکات.

هه‌روه‌هاش ناوبراو جه‌ختی کرده‌وه‌ له‌سه‌ر قبووڵ کردنی داواکانی ئه‌و ده‌سته‌یه‌ له‌لایه‌ن تێکڕای به‌رپرسانه‌وه‌ و به‌ تایبه‌ت به‌رپرسانی هه‌رێمی کوردستان.

سه‌رچاوه‌: هه‌واڵده‌ریی "الرافدین"

کۆدی هه‌واڵنێر: 60103