به‌پێی هه‌واڵی کوردپرێس، مه‌حموود عوسمان له پرێس کۆنفڕانسێکدا ئاماژه‌ی به‌وه کردووه داواکارانی دادگه‌ی فیدڕاڵی عێراق حوکمی دادگه‌که‌یان به قازانجی خۆیان ده‌رکردووه و له ده‌ستووری عێراقیدا هیچ ماده‌یێک نابینرێت که به‌ڕێوه بردنی گشتپرسیی سه‌ربه‌خۆییی هه‌رێمی کوردستان به ناده‌ستووری بزانێت هه‌ر بۆیه‌ش کاتێک حوکمی دادگه‌ی ئیتیحادیی عێراق ده‌توانێت ده‌ستووری و ڕه‌وا پیشان بدرێت که ماده‌یێک له ده‌ستووردا باس له زه‌رووره‌تی جیانه‌بوونه‌وه و دابه‌ش نه‌بوونی عێراق بکات.
ناوبراو ئاماژه‌ی به‌وه‌ش کردووه: هه‌ڵوه‌شاندنه‌وه‌ی ئه‌نجامی گشتپرسی به‌ستراوه به به‌ڕێوه بردنی گشتپرسییێکی دیکه‌وه هه‌ر بۆیه‌ش له ڕووی ده‌ستووره‌وه جه‌ماوه‌ری کوردستانی مافی ئه‌وه‌یان هه‌یه ته‌نها خۆیان ده‌نگه‌کانیان وه‌ربگرنه‌وه و ئه‌وه‌ش مومکین نابێت.
ئه‌و سیاسه‌توانه کورده جه‌ختی له‌سه‌ر ئه‌وه‌ش کردۆته‌وه پاڵپشتییه‌کانی ئێران و تورکیا له حکوومه‌تی فیدڕاڵ و بێده‌نگیی کۆمه‌ڵگای نێوده‌وڵه‌تی بۆته هۆی ئه‌وه‌ی به‌غدا پاش به‌ڕێوه‌چوونی گشتپرسی هه‌ندێک داپه‌ڕی دژ به هه‌رێمی کوردستان بگرێته‌به‌ر.
ناوبراو زیادی کردووه: حوکمی دادگه‌ی ئیتیحادیی عێراق له جێی ئه‌وه‌ی به‌غدا- هه‌ولێر لێک نزیک بکاته‌وه به پێچه‌وانه‌وه زیاتر لێک دووریان ده‌خاته‌وه.
سه‌رچاوه: ماڵپه‌ڕی هه‌واڵیی "بغداد الیوم"
کۆدی هه‌واڵنێر: 60103
Your Comment