کوردپرێس: ئاژانسی ھەواڵی فرانس پرێس لە زاری سەرچاوەیێكی ئەمنی عێراقییەوە بڵاوی كردووەتەوە، دوو مووشەكی كاتیۆشا، یەكێكیان لە نزیک باڵیۆزخانەی ئەمەریكا و یەكێكیشیان لە نێو ناوچەی سەوز كەوتوونەتە خوارەوە.
وا بڵاوكراوەتەوە لە لەنێو باڵیۆزخانەی ئەمەریكا زەنگی ئاگاداركردنەوە لێدراوە و كارمەندان خراونەتە حاڵەتی ئامادەباشییەوە بۆ ئەگەری نزیک بوونەوەی ئەو مووشەكانە.
تا ئێستا ھیچ لایەنێک بەرپرسیاریەتی خۆی لە ئاراستەكردنی ئەو مووشەكانە رانەگەیاندووە و شانەی راگەیاندنی جەنگی عێراقیش، كەوتنەخوارەوەی ئەو مووشەكانەی پشتڕاست كردووەتەوە، بەڵام هیچ زانیارییێکی ئاشکرا نەکردووە.
کۆدی هەواڵنێر: 60113
Your Comment